شقاوة بنات
اهلا بك زائرنا الكريم
نتمنى ان تقوم بتشريفنا والتسجيل فى منتدانا
وان تفيد وتستفيد معنا
اداره المنتدى

شقاوة بنات

*ღ منتديات شقاوه بنات للبنات فقط ღ*
 
الرئيسيةاهلا بكم اليوميةبحـثالأعضاءالتسجيلدخول

شاطر | 
 

  تـواشــيـــح وفــطـــار وعــيـــلــه مَــلْـمُــومَــــه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
زمالكويه وافتخر
المديره
المديره
avatar

الجنس : انثى عدد المساهمات : 210
نقاط : 330
السٌّمعَة : 0
تاريخ الميلاد : 13/01/1998
تاريخ التسجيل : 27/06/2011
العمر : 19
الموقع : لا يوجد
العمل/الترفيه : طالبه
تعاليق : I L O V E Y O U
علم بلدك :
حرفك :

مُساهمةموضوع: تـواشــيـــح وفــطـــار وعــيـــلــه مَــلْـمُــومَــــه   السبت يوليو 23, 2011 11:14 am

تـواشــيـــح وفــطـــار وعــيـــلــه مَــلْـمُــومَــــه


وفانوس في وسط الأوضه والقَعْده مقسومه
مابين كلام كبار وقصاده لعب عيال
مفيش غياب ياجماعه...جماعتنا معلومه

********

جَمَعْ جِدُّو الكلام ولَمُّه فوق حِجِرُه
سكت الكل احترام وكَتَمْ نَفَسْ صِدْره

قوام بدأها بِنَحْنَحْه....
وصلَّى عالنبي الهادي

ردينا قبل ما يتمحى صوته اللي كان بادي

وقــــال يااااأولادي....

أحب أعرفكم بضيف..زي النسمه وريـحُه خفيف

ليَّا معاه أيام وليالي..حَلّْ في شتا أو حتى في صيف

وكل ما ييجي ألاقي وياه....


تـواشــيـــح وفــطـــار وعــيـــلــه مَــلْـمُــومَــــه



سِكِتْ جِدُّو شويه...ورِجِعْ براسُه لوَرَا

قُلْنَا ايه اللي جرا ؟!!


فجأه.........




ابتسمْ

والنور على وشه بان و اترسمْ

والسعاده شقتْ طريق في عينيه

ورجفه عِلْيتْ شفايفه...
وأخدِْ قرارُه وحسمْ


وقال......

أيام زمان......كان الزمان......غير الزمان


لــــــمـــا يـــعـــــــــــود رمـــــــــضـــــــــــــان


زي الــلـــي كــان غـــايــب..عـن أهْـلـُـه وعِــزْوتـُــه ونــاســه


زي الـــلـــي كـــان ســـايــــب..أرضـــه عــايـشــه بــلا فــاسـه


كــانـت جـمـــوع الــنــاس مــتــشــوقــه...


كــانـت قــــلــــــوب الخــــيــــر مــتــشــوقــه...


والمــســاجــد والمـآذن مــتـزوقـــــه


للغايب الحاضر....
اللِّي لولاه نادرْ..
لما نلاقي...


تـواشــيـــح وفــطـــار وعــيـــلــه مَــلْـمُــومَــــه



رمضان زمان كان زي صاحب خير

تروحله خطوه...كان هو ليك بيطير

كان لما ييجي...فرحه تعمّْ الناس

كان لما ييجي...نـفـتـــح الــكــــراس

نحسب ونجمع ونضرب ....وياويله من كان بيطرح

أي حــــــــســــــــنــــــــــه خـــــــــــيـــــــــــر


الأهل والجيره...والحب بلا غيره

فطار وشارعنا متجمع...
والفرحه تجري وتسمع

قلوب خلايق يامَا...
معَلْيِيِنْ الهامه

باصيين لفوق في السما...
ميكونش احنا العمى

تقولشي موتهم ببدله
واحنا ببيجامه


رمـــــــضــــــــــان يا مــــجـــمـــع كـــل دول و دول

راحوا فين دول....

وراحوا فين دول...


وأديك عايش ما بينا...وكل عام بتجيلنا


العيب في مين ياخليلنا.....

فينا ولا اللي في الصندووووووووووق



أظنها مفهومه.......




تـواشــيـــح وفــطـــار وعــيـــلــه مَــلْـمُــومَــــه



وخُلُصْ الكلام ياولادي

ياللِّي بيكم زادي.....وعزوتي وزوَّادي


ياااااااااااااه دا الوقت اتأخر


قوموا بينا .....

...ن ت س ح ر ...
الرجوع الى أعلى الصفحة اذهب الى الأسفل
 
تـواشــيـــح وفــطـــار وعــيـــلــه مَــلْـمُــومَــــه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شقاوة بنات :: قسم الخيمة الرمضانية-
انتقل الى: